Posts Tagged ‘buttitta’

Trinacriablog – 5. A gola fiorita

martedì 25 agosto 2009

A gula ciuruta

Antùra
nna strata
a na picciotta chi passava,
– sugnu ancora mprissiunatu! –
ci vitti vulari a puisia
du nidu di l’occhi:
cantava a gula ciuruta!

Io,
a sangu càudu,
– latru natu! –
isava i vrazza
e subitu a pigghiai.

Mi jnchiu i manu:
era cchiù bedda i na palumma!

U tempu d’alliscialla
di séntiri i palpiti
u trimulìu
e mi vulò di manu:
a tineva stritta!

Mi ristaru i pinni
l’ali
a cuda nne manu,
i viditi?

U cantu su portò,
unni a trovu ora?
Cu mu duna?
Vuatri, un nn’aviti…

Ma pirchì vu cuntavu?…
Pirchì?

Ignazio Buttitta, da La mia vita vorrei scriverla cantando

Annunci